පාර්ලිමේන්තුව ජනවාරි 21 වැනිදා සිට 24 වැනිදා දක්වා රැස්වීමට තීරණය වූ බව පාර්ලිමේන්තුවේ මහලේකම් කුෂානි රෝහණදීර මහත්මිය දැනුම් දෙනවා.
කථානායක වෛද්ය ජගත් වික්රමරත්නගේ ප්රධානත්වයෙන් පසුගිය 10 වැනිදා පැවති පාර්ලිමේන්තු කටයුතු පිළිබඳ කාරක සභා රැස්වීමේදීයි මේ බව තීරණය වී තිබෙන්නේ.
ඒ අනුව, ජනවාරි 21 වැනිදා අගහරුවාදා පෙ.ව 9.30 – පෙ.ව. 10.00 කාලය ස්ථාවර නියෝග 22හි සඳහන් 1 සිට 6 දක්වා සඳහන් පාර්ලිමේන්තු කටයුතු සඳහා වෙන්කර තිබෙනවා.
පෙ.ව 10.00 – පෙ.ව 11.00 කාලය වාචික පිළිතුරු අපේක්ෂා කරන ප්රශ්න සඳහා වෙන් කර ඇති අතර පෙ.ව. 11.00 – පෙ.ව 11.30 කාලය ස්ථාවර නියෝග 27(2) යටතේ ප්රශ්න සඳහා වෙන් කර තිබෙනවා.
පෙ.ව 11.30 සිට ප.ව 5.30 දක්වා රජය විසින් ගෙනෙනු ලබන “ක්ලීන් ශ්රී ලංකා” වැඩසටහන පිළිබඳ සභාව කල්තැබීමේ විවාදය පැවැත්වීමෙන් අනතුරුව 22 වැනිදා ද පැවැත්වීමට දෙවැනි දිනට කල්තැබීම මෙහිදී තීරණය වූ බවයි මහලේකම්වරිය පැවසුවේ.
ජනවාරි 22 වැනිදා පෙ.ව 9.30 – පෙ.ව. 10.00 කාලය ස්ථාවර නියෝග 22හි සඳහන් 1 සිට 6 දක්වා ඇති පාර්ලිමේන්තු කටයුතු සඳහා වෙන්කර තිබෙනවා.
පෙ.ව 10.00 – පෙ.ව 11.00 කාලය වාචික පිළිතුරු අපේක්ෂා කරන ප්රශ්න සඳහා වෙන් කර ඇති අතර පෙ.ව. 11.00 – පෙ.ව 11.30 කාලය ස්ථාවර නියෝග 27(2) යටතේ ප්රශ්න සඳහායි වෙන් කර ඇත්තේ.
අනතුරුව පෙ.ව 11.30 සිට ප.ව 5.30 දක්වා රජය විසින් ගෙනෙනු ලබන “ක්ලීන් ශ්රී ලංකා” වැඩසටහන පිළිබඳ සභාව කල්තැබීමේ විවාදය දෙවැනි දිනටත් පැවැත්වීමට නියමිතයි.
ජනවාරි 23 වැනිදා පෙ.ව 9.30 – පෙ.ව. 10.00 කාලය ස්ථාවර නියෝග 22හි සඳහන් 1 සිට 6 දක්වා ඇති පාර්ලිමේන්තු කටයුතු සඳහා වෙන්කර තිබෙනවා.
පෙ.ව 10.00 – පෙ.ව 11.00 කාලය වාචික පිළිතුරු අපේක්ෂා කරන ප්රශ්න සඳහා වෙන් කර ඇති අතර, පෙ.ව. 11.00 – පෙ.ව 11.30 කාලය ස්ථාවර නියෝග 27(2) යටතේ ප්රශ්න සඳහායි වෙන් කර ඇත්තේ.
ඉන්පසු පෙ.ව 11.30 සිට ප.ව 3.30 දක්වා ආනයන හා අපනයන (පාලන) පනත යටතේ අංක 2413/37 දරන ගැසට් පත්රයේ පළ කළ රෙගුලාසි, ක්රමෝපාය සංවර්ධන ව්යාපෘති පනත යටතේ අංක 2399/16 දරන ගැසට් පත්රයේ පළ කළ නිවේදනය, ආනයන හා අපනයන (පාලන) පනත යටතේ අංක 2384/35 දරන ගැසට් පත්රයේ පළ කළ රෙගුලාසි, වරාය සහ ගුවන් තොටුපල සංවර්ධන බදු පනත යටතේ අංක 2377/39 දරන ගැසට් පත්රයේ පළ කළ නියෝගය විවාදයට ගැනීමට ද මෙහිදී තීරණය වී තිබෙනවා.
අනතුරුව ප.ව 3.30 – ප.ව 5.30 දක්වා කාලය විරුද්ධ පාර්ශවය විසින් ගෙන එනු ලබන යෝජනාවට අනුව සභාව කල්තැබීමේ විවාදය පැවැත්වීමටයි මෙහිදී එකඟත්වය පළවී තිබෙන්නේ.
ජනවාරි 24 වැනිදා සම්පූර්ණ දිනය වෙන්ව ඇත්තේ අභාවප්රාප්ත හිටපු පාර්ලිමේන්තු මන්ත්රීවරුන් සඳහා ශෝක ප්රකාශ යෝජනා පළ කිරීම සඳහා වනවා.
ඒ අනුව, අභාවප්රාප්ත හිටපු පාර්ලිමේන්තු මන්ත්රීවරුන් වන ආර්. සම්බන්ධන්, රුක්මන් සේනානායක, රෙජිනෝල්ඩ් පෙරේරා, සිරිනාල් ද මෙල් සහ වෛද්ය මොහොමඩ් ඉල්ලියාස් යන අය වෙනුවෙන් ශෝක ප්රකාශ යෝජනා පළ කිරීම සඳහා එදින පෙ.ව 9.30 සිට ප.ව 5.30 දක්වා කාලය වෙන් කිරීමට ද මෙහිදී තීරණය කළ බවයි පාර්ලිමේන්තුවේ මහලේකම් කුෂානි රෝහණදීර පැවසුවේ.

