ශ්රී ලංකා ත්රිපෝෂ සමාගම වසා දැමීමේ තීරණයකට නව රජය එළැඹී ඇතැයි ජන අරගල සන්ධානය පවසනවා.
එහි ජාතික මෙහෙයුම් කමිටු සාමාජික පුබුදු ජයගොඩ කොළඹ ඊයේ කැදවා තිබූ ප්රවෘත්ති සාකච්ඡාවකදී සඳහන් කළේ පසුගිය සැප්තැම්බර් 27වැනිදා නිකුත් කළ ගැසට් නිවේදනයක ඒ බව දැක්වෙන බවයි.
ත්රිපෝෂ සමාගම මගින් වයස අවුරු 5ට අඩු, අඩුබර දරුවන්ට, නීරක්තියෙන් පෙළෙන ගැබිනි මව්වරුන්ට සහ කිරිදෙන මව්වරුන් සඳහා නොමිලේ ත්රිපෝෂ ලබා දීම සිදු කරන අතර එය මෙරට ක්රියාත්මක විශාලම සමාජ ආරක්ෂණ වැඩසටහන ලෙස හැඳින්විය හැකි වනවා .
දැනට මව්වරුන් 664,920කට ත්රිපෝෂ ලබා දෙන අතර දරුවන් 925,172 ද ත්රිපෝෂ ලබා දීම සිදු කරනවා.
එවැනි පසුබිමක පසුගිය සැප්තැම්බර් 27වැනිදා නව රජය නිකුත් කළ ගැසට් නිවේදනයක ත්රිපෝෂ සමාගම වසා දැමීම සම්බන්ධයෙන් සඳහන් වන බවට පාර්ශ්ව කිහිපයක් ඊයේ අනාවරණ කළා.

