අද දිනයේ දිවයිනේ දිස්ත්රික්ක 09ක උණුසුම් දර්ශකය මිනිස් සිරුරට දැනෙන අවධානය යොමු කළ යුතු මට්ටමක පවතිනු ඇති බව කාලගුණවිද්යා දෙපාර්තමේන්තුව නිවේදනය කර තිබෙනවා.
එම නිවේදනයේ දැක්වෙන්නේ මුලතිව්, වව්නියාව, ත්රිකුණාමලය, අනුරාධපුර, පොළොන්නරුව, මඩකලපුව, අම්පාර, බදුල්ල සහ මොනරාගල යන දිස්ත්රික්කවල ඇතැම් ස්ථානවල උණුසුම් දර්ශකය අද දිනයේ සෙල්සියස් අංශක 39ත් 45ත් අතර වනු ඇති බවයි.
එසේම දෘශ්ය ලෙස සූර්යයා දකුණට ගමන් කිරීමේදී, අද සිට සැප්තැම්බර් 07 දක්වා ශ්රී ලංකාව ආසන්න අක්ෂාංශවලට සෘජුවම ඉහළින් පවතින බව ද කාලගුණවිද්යා දෙපාර්තමේන්තුව සඳහන් කරනවා.
ඒ අනුව අද දහවල් 12:11ට කොවිලන් තුඩුව සහ මල්ලාකම් (යාපනය දිස්ත්රික්කය) ප්රදේශවලට හිරු මුදුන්ව පවතිනු ඇත.

