18 හැවිරිදි බිරිඳ පැහැරගෙන ගිය 19 හැවිරිදි සැමියා අත්අඩංගුවට

හලාවත, මානුවන්ගම ප්‍රදේශයේදී සිය විවාහක බිරිඳ වෑන් රථයකින් පැහැරගෙන ගිය ඇගේ 19 හැවිරිදි විවාහක සැමියා අත්අඩංගුවට ගත් බව පොලීසිය පවසයි.

පොලීසිය සඳහන් කළේ, පසුගිය 19 වැනි දා උදෑසන 5දෙනෙකුගෙන් යුත් කණ්ඩායමක් අදාළ කාන්තාව පැහැරගෙන ගොස් ඇති බවයි.

මේ වනවිට 18 හැවිරිදි කාන්තාව හලාවත රෝහලේ ප්‍රතිකාර ලබයි.

සිද්ධියට සම්බන්ධ තවත් සැකකරුවන් 4 දෙනෙකු සොයා විමර්ශන ක්‍රියාත්මක වේ.

18 හැවිරිදි මෙම කාන්තාව මීට මාස කිහිපයකට පෙර විවාහ වී ඇති අතර පසුව සැමියාගේ හිරිහැර හේතුවන් යළිත් මව්පියන්ගේ නිවසට පැමිණ සිටින අතරතුර එම පැහැරගැනීම සිදුව තිබේ.